Wednesday, December 31, 2008

ಹೊಸ ವರುಷದ ಹೊಸ್ತಿಲಲಿ...


ಹೊಸದೆಂಬುದೇನೂ ಹೊಸದಲ್ಲ

ಹಾಲುಗಲ್ಲದ ಮಗುವಿನಲಿ ಅದರಜ್ಜನ ಚಹರೆ

ಹೊಸಗಿಡದಲಿ ಹಳೆಯ ಬೀಜದ ನೆನಪು

ಹೊಸಮನೆಯಲಿ ಹಳೆಯ ಮುಖಗಳು

ಹೊಸ ನೀರಿನಲಿ ಹಳೆಯ ಆವಿಯ ತಂಪು

ಹೊಸವರುಷದಲಿ ಹಳೆಯ ದಿನಗಳ ಮೆಲುಕು

ನಾಳೆಯೂ ನಿನ್ನೆಯಂಥ ಇನ್ನೊಂದು ದಿನ

ಅದರ ಎಣಿಕೆಯೇ ನಿಮಗೆ ಹೊಸ ಹುರುಪು ತಂದು

ಇನ್ನಷ್ಟು ಸೊಗಸು ಸಂತಸ ತರುವುದಾದರೆ...

ಹೊಸವರುಷದ ಶುಭಾಶಯಗಳು...

ಈ ದಿನವಷ್ಟೇ ಅಲ್ಲ ಎಂದೂ ಯಾರಿಗೂ ಅಶುಭವನ್ನು ಬಯಸಲಾರೆ!



1 comment: